தாய்லாந்தில் ஆண்களுக்கான சாலஞ்சர் கோப்பை டென்னிஸ் தொடர் நடக்கிறது. இரட்டையர் பிரிவு காலிறுதியில் இந்தியாவின் ராம்குமார் ராமநாதன், ஜப்பானின் மட்சுய் ஜோடி, ஸ்பெயினின் கனாஸ், அர்ஜென்டினாவின் மார்கோ ஜோடியை சந்தித்தது. முதல் செட்டை ராமநாதன் ஜோடி 6-3 என கைப்பற்றியது.

தொடர்ந்து இரண்டாவது செட்டிலும் ஜொலித்த இந்த ஜோடி 6-4 என வசப்படுத்தியது. ஒரு மணி நேரம், 4 நிமிடம் நடந்த போட்டியின் முடிவில் ராமநாதன் ஜோடி 6-3, 6-4 என்ற நேர் செட் கணக்கில் வெற்றி பெற்று, அரையிறுதிக்கு முன்னேறியது.

மற்றொரு காலிறுதியில் இந்தியாவின் அர்ஜுன் காடே, ரித்விக் ஜோடி, 7-6, 7-6 என கடும் போராட்டத்துக்குப் பின் கனடாவின் தியாலோ, ஜப்பானின் செய்டா ஜோடியை சாய்த்தது. அரையிறுதியில் ராமநாதன்-மட்சுய் ஜோடி, அர்ஜுன் காடே-ரித்விக் ஜோடியை சந்திக்க உள்ளது.