தென் கொரியாவின் சியோலில் ஆண்களுக்கான சாலஞ்சர் கோப்பை டென்னிஸ் தொடர் நடக்கிறது. இதன் இரட்டையர் பிரிவு காலிறுதியில் இந்தியாவின் ராம்குமார் ராமநாதன், சாகேத் மைனேனி ஜோடி, தென் கொரியாவின் ஜியோங், பார்க் யு ஜோடியை சந்தித்தது. முதல் செட்டை இந்திய ஜோடி 6-3 என கைப்பற்றியது.

தொடர்ந்து இரண்டாவது செட்டையும் இந்திய ஜோடி 6-1 என வென்றது. முடிவில் இந்திய ஜோடி 6-3, 6-1 என்ற நேர் செட்டில் வெற்றி பெற்று அரையிறுதிக்கு முன்னேறியது.

மற்றொரு காலிறுதியில் இந்தியாவின் அனிருத் சந்திரசேகர், கலியாண்டா பூனாச்சா ஜோடி, 1-6, 3-6 என்ற நேர் செட்டில் பிரிட்டனின் பாரிஸ், தென் கொரியாவின் நம் ஜி ஜோடியிடம் தோல்வியடைந்தது.