மொனாக்கோவில் ஏ.டி.பி., 'மாஸ்டர்ஸ் 1000' சர்வதேச டென்னிஸ் தொடர் நடக்கிறது. ஆண்கள் இரட்டையர் பிரிவு இரண்டாவது சுற்றில் இந்தியாவின் போபண்ணா, அமெரிக்காவின் பென் ஷெல்டன் ஜோடி, இத்தாலியின் சைமன் போலெல்லி, ஆன்ட்ரியா வவாசோரி ஜோடியை எதிர்கொண்டது.

முதல் செட்டை 2-6 என இழந்த போபண்ணா ஜோடி, அடுத்த செட்டை 'டை பிரேக்கர்' வரை சென்று 7-6 என வசப்படுத்தியது. பின் நடந்த 'சூப்பர் டை பிரேக்கரிலும்' 10-7 என கைப்பற்றியது. ஒரு மணி நேரம் 38 நிமிடம் நடந்த போட்டியின் முடிவில் போபண்ணா ஜோடி 2-6, 7-6, 10-7 என்ற கணக்கில் வெற்றி பெற்று, காலிறுதிக்குள் நுழைந்தது.