தாய்லாந்தின் ஆண்களுக்கான ஐ.டி.எப்., டென்னிஸ் தொடர் நடக்கிறது. ஒற்றையர் பிரிவு இரண்டாவது சுற்றில் இந்தியாவின் விஷ்ணுவர்தன், தாய்லாந்து வீரர் கிரிட்டினை சந்தித்தார். இதில் விஷ்ணுவர்தன் 6-0, 6-1 என எளிதாக வெற்றி பெற்று, காலிறுதிக்கு முன்னேறினார்.

மற்றொரு இரண்டாவது சுற்றில் இந்தியாவின் தக்சினேஷ்வர் சுரேஷ், நியூசிலாந்தின் ஜேம்ஸ் வாட்டை எதிர்கொண்டார். முதல் செட்டை தக்சினேஷ்வர் 'டை பிரேக்கர்' வரை சென்று 7-6 என கைப்பற்றினார். இரண்டாவது செட்டும் 'டை பிரேக்கர்' செல்ல, இம்முறை 6-7 என இழந்தார்.

வெற்றியாளரை முடிவு செய்ய நடந்த மூன்றாவது, கடைசி செட்டில் தக்சினேஷ்வர் 1-6 என கோட்டை விட்டார். முடிவில் தக்சினேஷ்வர் 7-6, 6-7, 1-6 என்ற செட்டில் போராடி தோல்வியடைந்தார்.