ஜெர்மனியில் ஆண்களுக்கான சாலஞ்சர் டென்னிஸ் தொடர் நடக்கிறது. இதன் ஒற்றையர் பிரிவு அரையிறுதியில் 'நம்பர்-95' வீரர், இந்தியாவின் சுமித் நாகல், 103 வது இடத்திலுள்ள பிரான்சின் லுகா வான் மோதினர்.

முதல் செட்டை சுமித் நாகல் 6-2 என கைப்பற்றினார். இரண்டாவது செட் இழுபறியாக அமைய, 'டை பிரேக்கருக்கு' சென்றது. இதில் சிறப்பாக செயல்பட்ட சுமித் நாகல் 7-6 என வசப்படுத்தினார். 2 மணி நேரம், 1 நிமிடம் நடந்த போட்டியின் முடிவில் சுமித் நாகல் 6-2, 7-6 என்ற நேர் செட் கணக்கில் வெற்றி பெற்று, பைனலுக்கு முன்னேறினார்.