இங்கிலாந்தின் லண்டனில், விம்பிள்டன் கிராண்ட்ஸ்லாம் டென்னிஸ் தொடர் நடக்கிறது. பெண்கள் ஒற்றையர் பிரிவு 2வது சுற்றில் 'நடப்பு சாம்பியன்' போலந்தின் இகா ஸ்வியாடெக், செக்குடியரசின் கரோலினா பிலிஸ்கோவா மோதினர். இதில் ஸ்வியாடெக் 6-1, 6-3 என்ற நேர் செட் கணக்கில் வெற்றி பெற்றார். மற்றொரு 2வது சுற்றில் அமெரிக்காவின் மடிசன் கீஸ் 6-1, 6-4 என, பிரிட்டனின் கேட்டி ஸ்வானை வென்றார்.

மற்றொரு போட்டியில் அமெரிக்காவின் ஜெசிகா பெகுலா 7-6, 6-1 என, ஸ்பெயினின் சோரிப்ஸ் டோர்மோவை வீழ்த்தி 3வது சுற்றுக்குள் நுழைந்தார். அமெரிக்காவின் கோகோ காப் 6-3, 3-6, 7-6 என, அர்ஜென்டினாவின் சோலானா சியராவை வென்றார். சுவிட்சர்லாந்தின் பெலிண்டா பென்சிக் 7-5, 6-0 என, சீனாவின் ஜின்யு வாங்கை வீழ்த்தினார்.

ஜோகோவிச் வெற்றி: ஆண்கள் ஒற்றையர் பிரிவு 2வது சுற்றில் செர்பியாவின் நோவக் ஜோகோவிச், கிரீசின் ஸ்டெபானஸ் சிட்சிபாஸ் மோதினர். இதில் ஜோகோவிச் 6-3, 6-4, 6-2 என்ற நேர் செட் கணக்கில் வெற்றி பெற்று, 3வது சுற்றுக்கு முன்னேறினார்.

மற்றொரு 2வது சுற்றில் ஆஸ்திரேலியாவின் அலெக்ஸ் டி மினார் 6-3, 6-2, 6-2 என, பிரான்சின் அட்ரியன் மன்னாரினோவை தோற்கடித்தார். அமெரிக்காவின் டெய்லர் பிரிட்ஸ் 6-2, 6-2, 7-5 என சகவீரர் பாட்ரிக் கிப்சனை வென்றார்.