அரியலுார் மாவட்ட ஊழல் தடுப்பு மற்றும் கண்காணிப்பு பிரிவு டி.எஸ்.பி., ராமச்சந்திரன் தலைமையில் இன்ஸ்பெக்டர் கவிதா, எஸ்.ஐ.,க்கள் பவுன்ராஜ் ரவி, இளையபெருமாள் ஆகியோர் கொண்ட குழுவினர், ஆண்டிமடம் சார்- - பதிவாளர் அலுவலகத்தில் நேற்று முன்தினம் மாலை முதல் இரவு வரை சோதனை மேற்கொண்டனர்.

அப்போது, அந்த அலுவலகத்தில் தினக் கூலி அடிப்படையில் பணிபுரியும் கடலுார் மாவட்டத்தைச் சேர்ந்த மணிவண்ணன் என்பவர், பத்திர பதிவுக்காக வந்தவர்களிடம் வசூலித்து வைத்திருந்த, 23,000 ரூபாயை சார் - பதிவாளர் சண்முகத்திடம் கொடுக்கும் போது, அங்கு மாறுவேடத்தில் மறைந்திருந்த லஞ்ச ஒழிப்பு போலீசார் அவர்களை கையும், களவுமாக பிடித்து, பணத்தை பறிமுதல் செய்து விசாரிக்கின்றனர்.