திம்மாபுரம் ஊராட்சியில், பொதுப்பணித் துறைக்கு சொந்தமான ஏரி உள்ளது. இந்த ஏரியிலிருந்து கலங்கள் வழியாக உபரிநீர் செல்லும் கால்வாய், நெடுஞ்சாலையை கடந்து செல்கிறது. இந்த கால்வாய் மீது பாலம் அமைக்கப்பட்டுள்ளது.

இந்த பாலத்தின் மீது இரும்பு தடுப்பு கம்பிகள் மற்றும் சிமென்ட் கான்கிரீட் தடுப்பு இன்றி திறந்தவெளியில் உள்ளது. இதன் காரணமாக, இச்சாலையில் எதிரே வரும் வாகனங்களுக்கு வழிவிட ஒதுங்கும் போது, விபத்து ஏற்படும் அபாய நிலை உள்ளது.

இதுகுறித்து நம் நாளிதழில் செய்தி வெளியானது. இதன் எதிரொலியாக, சாலை வளைவு பகுதியில், இரண்டு பக்கமும் மழையில் துருப்பிடிக்காத இரும்பு தடுப்பு கம்பிகள், அச்சிறுபாக்கத்தில் உள்ள மாநில நெடுஞ்சாலைத் துறையினரால் அமைக்கப்பட்டது.