மதுராந்தகம் அருகே கீழாமூர் கிராமத்தில் எழுந்தருளியுள்ள கிராம தேவதை பழனியம்மன் அழைப்பு, இன்று நடைபெறுகிறது.

வரும் 18ல், கங்கையம்மன் பூங்கரகம் திருவீதி உலா வருதல் மற்றும் மதியம் 1:00 மணிக்கு கங்கையம்மனுக்கு கூழ் வார்த்தல் நிகழ்ச்சி நடக்கிறது.

இரவு, தெய்வீக நாடகம் நடைபெறும். 19-ல், பழனியம்மனுக்கு காப்பு கட்டுதல் மற்றும் சுவாமி திருவீதி உலா வருதல், அதைத் தொடர்ந்து மூன்று நாட்கள் திருவீதி உலா நடைபெறுகிறது.

வரும் 23ல், முக்கிய நிகழ்வான திருக்கல்யாணம் மற்றும் தேர் திருவிழா நடக்கிறது. மறு நாள் பழனியம்மன் வசந்த உற்சவம் நடக்கிறது.

இந்நிகழ்விற்கான ஏற்பாடுகளை ஊர் பொதுமக்கள் மற்றும் விழா குழுவினர் செய்து வருகின்றனர்.