இந்த ஆண்டு திருவிழா நடத்த, கிராம மக்கள் கூடி முடிவு செய்தனர்.இதையடுத்து, நேற்று காலை அம்மனுக்கு சிறப்பு அபிஷேகம் நடைபெற்றது.

மாலை 4:30 மணிக்கு கத்தி ஏறுதல் நிகழ்ச்சியும், அதனைத் தொடர்ந்து கூழ்வார்த்தல் நிகழ்ச்சியும் நடைபெற்றது.

இரவு 7:00 மணிக்கு, மாலை அணிந்து விரதமிருந்த பக்தர்கள், அக்னி குண்டத்தில் இறங்கி தீ மிதித்தனர். இந்த திருவிழாவில், கொளத்துார், ஆப்பூர், திருக்கச்சூர், வெங்கடாபுரம் உள்ளிட்ட, 10க்கும் மேற்பட்ட கிராம மக்கள் பங்கேற்று,அம்மனை வழிபட்டனர்.