அதைத்தொடர்ந்து, இத்தினம் உலக நாடுகளில் பின்பற்றப்படுகிறது. இந்நாளை சுற்றுலா பகுதியான மாமல்லபுரத்தில், முக்கிய மத்திய அரசுத்துறைகள் சார்பில், ஆண்டுதோறும் கடைப்பிடிக்கப்படுகிறது.

இந்நிலையில், 10ம் ஆண்டு தினமான இன்று, மாமல்லபுரத்தில் உள்ள கடற்கரை கோவில் வளாகத்தில், தொல்லியல் துறை - சென்னை வட்டம் சார்பிலும், ஐந்து ரதங்கள் சிற்ப வளாகத்தில், சி.ஐ.எஸ்.எப்., எனப்படும் மத்திய தொழிலக பாதுகாப்பு படை - கல்பாக்கம் அலகு சார்பிலும், காலை 6:30 மணிக்கு யோகா நிகழ்த்தப்படுகிறது.

இந்நிகழ்வில் பொதுமக்கள் பங்கேற்கலாம் என, தொல்லியல் துறையினர் தெரிவித்தனர்.