அதை முன்னிட்டு, கடந்த 6ம் தேதி கணபதி, நவக்கிரக ஹோமங்கள், கோ பூஜை நடந்தது. அன்று மாலைஇ முதல்கால யாகசாலை பூஜைகள் துவங்கின.

நேற்று முன்தினம் விக்னேஷ்வர பூஜை, இரண்டாம் கால மற்றும் மூன்றால் கால பூஜைகள் நடந்தன. நேற்று காலை 6:00 மணிக்கு, நான்காம் கால யாகசாலை பூஜைகளும் பூர்ணாஹுதி தீபாராதனையும் நடந்தன.

காலை 8:00 மணிக்கு கடம் புறப்பாடாகி, கோவிலை வலம் வந்தது. கால பைரவர், விநாயகர் சுவாமிகளின் விமான கலசங்களில் புனித நீர் ஊற்றப்பட்டு, ஒரே நேரத்தில் கும்பாபிஷேகம் நடந்தது. 9:00 மணிக்கு சிறப்பு அலங்காரம், மஹா தீபாராதனை, பிரசாதம் வழங்குதலுடன் அன்னதானம் நடைபெற்றது.

விழாவில், குறு, சிறு மற்றும் நடுத்தர தொழில் நிறுவனங்கள் துறை அமைச்சர் அன்பரசன், திருப்போரூர் ஒன்றிய குழு தலைவர் இதயவர்மன் உட்பட பலர் பங்கேற்றனர்.