இந்நிலையில், நகராட்சி சார்பில் ஒப்பந்ததாரர்களுக்கு வழங்கும் பணி ஆணை பலவற்றில், நகராட்சி கமிஷனர் பெயர் சசிகலா என, தவறுதலாக அச்சிடப்பட்டு உள்ளது.

அவற்றில், கையெழுத்திட்டு, நகராட்சி கமிஷனர் சகிலா ஒப்பந்ததாரர்களுக்கு வழங்கியுள்ளார்.

இதே போல, சில வாரங்களுக்கு முன், நகராட்சி பொறியியல் பிரிவில், கழிவு நீர் இணைப்பு இல்லாத வீட்டிற்கு கட்டணத் தொகை விதிக்கப்பட்டது. பெண் அதிகாரி ஒருவர், ஆய்வு செய்யாமல் கட்டணத் தொகை விதித்தது குறிப்பிடத்தக்கது.

வீட்டின் உரிமையாளர் நகராட்சி அலுவலகம் வந்து முறையிட்ட பின்னரே, அதிகாரிக்கு விபரம் தெரியவந்தது.

இதுபோல, நகராட்சி அதிகாரிகள் கவனக்குறைவாகவும், அலட்சியமாகவும் கோப்புகளில் கையெழுத்து இடுவதாக, அ.தி.மு.க.,வினர் மற்றும் சமூக ஆர்வலர்கள் குற்றம் சாட்டி வருகின்றனர்.

எனவே, மறைமலை நகர் நகராட்சிக்கு நிரந்தர கமிஷனர் நியமிக்க நடவடிக்கை எடுக்க வேண்டும் என, அவர்கள் கோரிக்கை விடுத்துள்ளனர்.