ஆனால், அணுகு சாலை சிமென்ட் கற்களால் பதித்த பாதையானதால், ஆங்காங்கே சேதமடைந்துள்ளது. இதே பாதையில், மழைநீர் வடிகால், கேபிள் பதிக்க தனிப்பாதை, குடிநீர் குழாய் பதிப்பு என, பல்வேறு பணிகள் மேற்கொள்ளப்பட்டுள்ளன.

இதற்காக, 50, 100 மீ., இடைவெளியில் இயந்திர நுழைவுவாயில் அமைத்து, மேலே சிலாப் போட்டு மூடப்பட்டு உள்ளது. அதில், கனரக வாகனங்கள் ஏறி செல்வதால், உள்வாங்கி விபத்து ஏற்படுத்தும் வகையில் உள்ளது.

சாலை மேம்பாட்டு நிறுவனத்தின் கீழ் இந்த சாலை உள்ளது. மெட்ரோ ரயில் பணி நடைபெறுவதால், சாலை சீரமைப்பை மெட்ரோ நிர்வாகத்திடம்ஒப்படைக்கப்பட்டுஉள்ளது.

ஆனால், மெட்ரோ நிர்வாகம் சாலை சீரமைப்பு பணிகளை முறையாக செய்வதில்லை என்ற குற்றச்சாட்டு எழுகிறது. இரு துறைகளும் ஒருங்கிணைந்து, சாலையை சீரமைக்க தேவையான நடவடிக்கை எடுக்க வேண்டும் என, கோரிக்கை வலுத்துள்ளது.

இது குறித்து அப்பகுதியில் பயணிப்போர் கூறியதாவது:

துரைப்பாக்கம் ஓ.எம்.ஆர்., சாலையில் ஜங்ஷன் பகுதியில், சிக்னல் கோளாறு காரணமாக வாகனங்கள் தாறுமாறாக செல்கின்றன. இதனால், விபத்து அபாயம் நிலவுகிறது.

இது கூட பரவாயில்லை. தற்போது, இங்கு மெட்ரோ பணி நடப்பதால் ஓ.எம்.ஆர்., அணுகுசாலையை பயன்படுத்தி வருகிறோம். ஆனால், அணுகுசாலை பல்வேறு பணிகளுக்காக ஆங்காங்கேதோண்டப்பட்டும் குண்டும் குழியுமாக மாறி உள்ளது. இதனால், பெண்கள், முதியோர் கடும் அவதிக்குள்ளாகின்றனர். சாலையை சீரமைக்க அரசு நடவடிக்கை எடுக்க வேண்டும்.

இவ்வாறு அவர்கூறினார்.