குருபகவான், 12 ஆண்டுகளுக்கு ஒருமுறை கன்னி ராசிக்கு பெயரும் நாளில், குளத்தில் புஷ்கரமேளா, லட்சதீப விழா நடக்கும். இத்தகைய குளத்தை முறையாக பராமரிக்காமல் முற்றிலும் மாசடைந்துள்ளது. இதில் குப்பை மற்றும் பிளாஸ்டிக் ஆகியவை குவிந்து சீர்கேடாக மாறியது.

இதுகுறித்து, ஏப்., 26ம் தேதி நம் நாளிதழில் செய்தி வெளியானது. இதன் எதிரொலியாக, கலெக்டர் அருண்ராஜ் உடனடியாக குளத்தை பார்வையிட்டு, குப்பை கழிவுகளை அகற்றி பராமரிக்க அறிவுறுத்தினார்.

இந்நிலையில், பேரூராட்சி தலைவர் யுவராஜ் ஏற்பாட்டில், சேலம், சதுர்கால பைரவர் உழவாரப் பணி குழுவினர், நேற்று குளத்தில் குவிந்திருந்த பாசி, கொடிகளை அகற்றி துாய்மைப்படுத்தினர். இன்றும் உழவாரப் பணி நடக்கிறது.