நீண்ட நாட்களாக மண் சாலையாக இருந்த இந்த வழித்தடம், சமீபத்தில் சிமென்ட் சாலை போடப்பட்டது. இதனால், மழை நேரத்தில் மக்களின் சிரமம் குறைந்தது.

இந்நிலையில், அங்குள்ள குளம் மற்றும் காலி இடங்களில் இருந்து, லாரியில் மண் எடுத்து செல்லப்படுகிறது. இந்த மண் சாலையில் சிதறுவதால், லேசான மழைக்கே சகதி சாலையாக மாறிவிடுகிறது. இதனால், பாதசாரிகள், வாகன ஓட்டிகள் வழுக்கி விழுகின்றனர்.

சமீபத்தில் இரண்டு முதியவர், ஒரு மூதாட்டி விழுந்து காயமடைந்தனர். பள்ளி மாணவ, மாணவியரும் நிலைதடுமாறி விழுகின்றனர்.

தவிர, கனரக வாகனங்கள் அதிகளவில் செல்வதால், புதிதாக போடப்பட்ட சாலையும் சேதமடைந்துள்ளது. மண்ணை அகற்ற மாநகராட்சி நடவடிக்கை எடுக்க வேண்டும் என, பகுதிமக்கள் கூறினர்.