வேலுார், வி.ஐ.டி., கல்லுாரி சார்பில், கல்லுாரிகளுக்கு இடையிலான பேட்மின்டன் போட்டிகள் இரண்டு நாட்கள் நடந்தன.

சென்னை, திருவள்ளூர், காஞ்சிபுரம் உள்ளிட்ட பல்வேறு மாவட்டங்களில் உள்ள கல்லுாரி அணிகள் பங்கேற்றன.

அரையிறுதியில், சென்னை எஸ்.ஆர்.எம்., பல்கலை, 2 - 0 என்ற செட் கணக்கில், வேலுார் வி.ஐ.டி., கல்லுாரியை வீழ்த்தியது. இறுதிப்போட்டியில், சென்னை எஸ்.ஆர்.எம்., பல்கலை மற்றும் வள்ளியம்மை பொறியியல் கல்லுாரி அணிகள் எதிர்கொண்டன.

விறுவிறுப்பான ஆட்டத்தில், 2 - 0 என்ற செட் கணக்கில், எஸ்.ஆர்.எம்., பல்கலை வெற்றி பெற்றது. அனைத்து போட்டிகள் முடிவில், எஸ்.ஆர்.எம்., பல்கலை முதலிடத்தையும், வள்ளியம்மை கல்லுாரி மற்றும் வேலுார் வி.ஐ.டி., கல்லுாரி அணி இரண்டு மற்றும் மூன்றாம் இடங்களை பிடித்தன.