இப்போட்டியில், மொத்தம் 50க்கும் மேற்பட்ட அரசு பள்ளிகள் உட்பட 306 பள்ளிகள் பங்கேற்றுள்ளன. முதற்கட்டமாக கடந்த 6, 7ம் தேதிகளில் அந்தந்த மாவட்ட வாரியாக போட்டிகள் நடத்தப்பட்டன.

இதில், வெற்றி பெற்ற அணிகள், 6 - 7 மாவட்டங்கள், ஒரு மண்டலமாக இணைந்து, மண்டல அளவில் போட்டிகள் நடத்தப்படுகின்றன.

அதன்படி, சென்னை மண்டல அணிகளுக்கு இடையிலான 'லீக்' ஆட்டங்கள், நேற்று முன்தினம் எழும்பூரில் துவங்கின.

சென்னை, காஞ்சிபுரம், திருவள்ளூர், ராணிபேட்டை, திருவண்ணமாலை, செங்கல்பட்டு, கள்ளக்குறிச்சி ஆகிய ஏழு மாவட்டங்கள் பங்கேற்றுள்ளன.

நேற்று காலை நடந்த போட்டியில், திருவண்ணாமலை மற்றும் திருவள்ளூருக்கு இடையிலான ஆட்டம், 2 - 2 என்ற கணக்கில் 'டிரா'வில் முடிந்தது.

மற்ற போட்டிகளில், சென்னை அணி, 6 - 2 என்ற கணக்கில் ராணிப்பேட்டையையும், செங்கை அணி, 2 - 0 என்ற கணக்கில் காஞ்சிபுரம் அணியையும் வீழ்த்தின.

மதியம் 2:00 மணிக்கு நடந்த போட்டியில், ராணிப்பேட்டை - காஞ்சிபுரத்திற்கு இடையிலான ஆட்டம் நடந்தது. விறுவிறுப்பான ஆட்டத்தில், 5 - 0 என்ற கணக்கில் ராணிப்பேட்டை அணி வெற்றி பெற்றது.போட்டிகள் இன்றும் நடக்கின்றன.