இந்த சாலையை அகலப்படுத்த வேண்டும் என வாகன ஓட்டிகள் பல ஆண்டுகளாக கோரிக்கை விடுத்து வந்தனர். இதையடுத்து, மறைமலைநகர் -- பேரமனுார் வரை 3.5 கி.மீ துாரம் இரண்டு கட்டங்களாக 2023ம் ஆண்டு சாலை விரிவாக்க பணி நடைபெற்றது.

தற்போது திருக்கச்சூர் -- பேரமனுார் வரை 1.5.கி.மீ., தூரம் 7 மீட்டர் அகலத்திற்கு விரிவாக்கம் செய்யும் பணிகள் துவங்கப்பட்டு வேகமாக நடைபெற்று வருகின்றன.

இது குறித்து நெடுஞ்சாலைத் துறை அதிகாரிகள் கூறியதாவது:

திருக்கச்சூர் -- பேரமனுார் சாலை ஒருங்கிணைந்த சாலை மேம்பாட்டு திட்டம் 2024- - 25ன் கீழ் 2 கோடியே 70 லட்ச ரூபாய் மதிப்பில் துவங்கப்பட்டு உள்ளது. 1.4 கி. மீ., இடையே 5 இடங்களில் மழைநீர் செல்லும் பெட்டி வடிவ 5 சிறு பாலங்கள் அமைக்கும் பணிகளும் வேகமாக நடைபெற்று வருகின்றன.

இந்த பணிகள் காரணமாக கனரக வாகனங்கள் மாற்று பாதையான மறைமலைநகர் - ஆப்பூர் சாலை,சிங்கபெருமாள் கோவில் சாலைகளில் செல்ல அறிவுறுத்தப்பட்டுள்ளது.

இவ்வாறு அவர்கள் கூறினர்.