நேற்று முன்தினம் காலை 8:00 மணிக்கு, ரமேஷ் தன் கர்ப்பிணி மனைவியை கொட்டகையிலே விட்டுவிட்டு, வழக்கம்போல் மரம் வெட்டும் பணிக்கு, சக தொழிலாளர்களுடன் சென்றார்.

அப்போது, செல்விக்கு பிரசவ வலி ஏற்பட்டு குழந்தை பிறந்துள்ளது. பின், மாலை 6:00 மணிக்கு கொட்டகைக்கு ரமேஷ் வந்தபோது, செல்வி ஆண் குழந்தை பிரசவித்த நிலையில் இறந்து கிடந்தார்.

இதுகுறித்து, அப்பகுதியினர், உத்திரமேரூர் சுகாதார துறை அலுவலர்களுக்கு தகவல் தெரிவித்தனர். ஆனால், சுகாதாரத் துறையினர், நேற்று காலை 10:00 மணிக்கு தான் வந்தனர். எந்த முதலுதவியும் கிடைக்காமல் இருந்த பிஞ்சு குழந்தையை மீட்டு, களியாம்பூண்டி ஆரம்ப சுகாதார நிலையத்தில் சேர்த்து, சிகிச்சை அளித்து வருகின்றனர். பெண் உயிரிழந்தது குறித்து, உத்திரமேரூர் போலீசார் விசாரிக்கின்றனர்.