இந்த கடையில், 15க்கும் மேற்பட்ட ஊழியர்கள் பணிபுரிந்து வருகின்றனர்.

இந்நிலையில், நேற்று ஊழியர்கள் அனைவரும் பழைய பேப்பர்களை சேகரிப்பதற்காக சென்று விட்டனர். கிடங்கை பூட்டிவிட்டு, ஜான்சனும் சென்று விட்டார்.

நேற்று மதியம் 12:00 மணிக்கு, கிடங்கில் இருந்து கரும்புகை வெளியேறி, திடீரென தீப்பற்றி எரிந்தது. பழைய பேப்பர் கடை தீப்பிடித்து எரிவதை கண்ட அக்கம் பக்கத்தினர், சிறுசேரி மற்றும் மறைமலை நகர் தீயணைப்பு மீட்பு துறையினருக்கு தகவல் தெரிவித்தனர்.

சம்பவ இடத்திற்கு வந்த தீயணைப்பு மற்றும் மீட்பு படையினர், தண்ணீரை பீய்ச்சி அடித்து தீயை அனைத்தனர். இந்த விபத்தில், கிடங்கில் வைக்கப்பட்டிருந்த பழைய பேப்பர்கள், அட்டைப் பெட்டிகள், பிளாஸ்டிக் பொருள்கள் அனைத்தும் தீயில் எரிந்து நாசமாகின.

இந்த விபத்தினால் ஏற்பட்ட கரும்புகை, அருகில் உள்ள குடியிருப்புவாசிகளுக்கும், சாலையில் சென்ற வாகன ஓட்டிகளுக்கும் மூச்சுத் திணறலை ஏற்படுத்தியது.

புகாரின் அடிப்படையில், கிளாம்பாக்கம் போலீசார் வழக்கு பதிந்து, இந்த விபத்து மின் கசிவினால் ஏற்பட்டதா அல்லது வேறு ஏதாவது காரணமா என, விசாரிக்கின்றனர்.