இதில், மதுராந்தகத்திலிருந்து நெல்வாய் வழியாக, உத்திரமேரூர் வரை செல்லும் மாநில நெடுஞ்சாலை உள்ளது. இந்த சாலையில் இருந்து பிரிந்து, புதுப்பட்டு கிராமப் பகுதிக்கு செல்லும் தார் சாலை உள்ளது.

சாலையோரம், மழை நீர் விரைந்து வெளியேறும் வகையில் கால்வாய் அமைக்கப்பட்டது. அக்கால்வாயில் செடி, கொடிகள் வளர்ந்து, புதர்கள் நிறைந்து உள்ளன.

மேலும், பிளாஸ்டிக் வாட்டர் பாட்டில்கள், மரத்துண்டுகள், பிளாஸ்டிக் குப்பை போன்றவை கால்வாயில் நிறைந்துள்ளன. கால்வாய் வழியாக செல்லும் மழை நீர், சித்தேரிக்கு சென்றடைகிறது.

எனவே, கால்வாயை சீரமைத்து, மழைநீர் விரைந்து வெளியேறும் வகையில், ஊராட்சி, ஒன்றிய அதிகாரிகள் உரிய நடவடிக்கை எடுக்க வேண்டும் என, அப்பகுதிவாசிகள் கோரிக்கை விடுத்துள்ளனர்.