கும்பாபிஷேகம் நடந்து ஓராண்டு நிறைவடைந்ததை அடுத்து, நேற்று வருஷாபிஷேக விழா வெகு விமரிசையாக நடந்தது. தர்ம சாஸ்தா அய்யப்பன் கோவில் வளாகத்தில் வண்ண மலர்களால் அலங்கரிக்கப்பட்டு, காலை மங்கள இசை, கோபூஜை விக்னேஷ்வர பூஜையுடன் தொடங்கியது. பின், 108 கலச அபிஷேகம் நடந்தது.

இவ்விழாவில், திரளான அய்யப்ப பக்தர்கள், பகுதிவாசிகள் பங்கேற்று, சுவாமி தரிசனம் செய்தனர். அனைவருக்கும் அன்னதானம் வழங்கப்பட்டது. இரவு, 'கலியுக வரதன் அய்யப்பன்' என்ற தலைப்பில் ஆன்மிக சொற்பொழிவு நடந்தது.