அப்போது, தஞ்சாவூர் - விக்கிரவாண்டி தேசிய நெடுஞ்சாலையில் சென்றபோது, உதராமங்கலத்தில் இருந்து நெல் நாற்றுக்களை ஏற்றியபடி, எதிர்திசையில் வேகமாக வந்த, 'டாடா ஏஸ்' சரக்கு வாகனம், ஸ்டாலின் ஓட்டி வந்த கார் மீது, நேருக்கு நேர் மோதியது.

இதில், துர்கா, இதழனிதுாரிகா, குமார், ஜெயா ஆகிய நான்கு பேரும் உயிரிழந்தனர். மோனிஷா, ஸ்டாலின், டாடா ஏஸ் டிரைவர் விக்னேஷ், 30, இளங்கோ, 50, ஆகிய நான்கு பேரும் படுகாயம் அடைந்து, அரசு மருத்துவமனையில் சிகிச்சை பெற்று வருகின்றனர்.

இதில், சிகிச்சை பலனின்றி, இளங்கோ நேற்று காலை உயிரிழந்தார். இதனால் விபத்தில் பலியானோர் எண்ணிக்கை ஐந்தாக உயர்ந்தது.