இது குறித்து மாவட்ட நிர்வாகம் வெளியிட்டுள்ள அறிக்கை:

மக்கள் கற்றல் மையம் சார்பில் ஏற்படுத்தப்பட்டுள்ள சமுதாய மேலாண்மை பயிற்சி மையம் சார்பில், மேலாண்மை பயிற்சி மையம் இயங்க உள்ளது. இதில், சமுதாய வள பயிற்றுநர் பணியை செய்ய, தகுதியான நபர்கள் விண்ணப்பிக்கலாம்.

விண்ணப்பதாரர்கள் ஊரக மற்றும் நகர்ப்புற பகுதிகளைச் சார்ந்த, ஐந்து வருட அனுபவம் வாய்ந்த சுய உதவிக்குழு உறுப்பினர்களாக இருக்க வேண்டும். ஊராட்சி அளவிலான கூட்டமைப்பின் உறுப்பினர்களாக, கிராம வறுமை ஒழிப்பு சங்க உறுப்பினர்களாக இருக்க வேண்டும்.

தவிர மாவட்ட, வட்டார, ஊராட்சி அளவிலான பயிற்சிகளில் குறைந்தது, 5 முதல் 10 பயிற்சிகளில் பங்கேற்றவராக இருக்க வேண்டும். மொபைல் போன் செயலிகளை பயன்படுத்த தெரிந்தவராகவும் இருத்தல் அவசியம்.

மேலும், 21 வயது பூர்த்தியடைந்த நபராகவும், அரசியல் கட்சிகளில் பொறுப்பில் இல்லாதவராகவும் இருக்க வேண்டும்.

தனியார் நிறுவனங்களில் முழு நேரமாகவோ அல்லது பகுதி நேரமாகவோ பணிபுரிபவராகவும் இருக்கக் கூடாது.

தகுதியின் அடிப்படையில் தேர்வு செய்யப்பட்ட நபருக்கு, நாள் ஒன்றுக்கு மதிப்பூதியமாக 750, 500 மற்றும் 350 ரூபாய் வழங்கப்படும்.

தகுதி உடைய விண்ணப்பதாரர்கள், விண்ணப்பிக்கலாம்.

கூடுதல் விபரங்களுக்கு திட்ட இயக்குநர், தமிழ்நாடு மாநில ஊரக வாழ்வாதார இயக்கம், மாவட்ட இயக்க மேலாண்மை அலகு, மாவட்ட ஆட்சியர் அலுவலகம், செங்கல்பட்டு என்ற முகவரியை அணுகலாம்.

மேலும், 98944 96522, 87782 40051, 98425 34416, 99768 60716, 96266 34105, 94444 74017, 95665 05051, 97519 40380 ஆகிய மொபைல் எண்களை தொடர்பு கொள்ளலாம். வரும் 26ம் தேதி மாலை 5:00 மணிக்குள் விண்ணப்பிக்கலாம்.

இவ்வாறு அதில் கூறப்பட்டுள்ளது.