இந்நிலையில் குப்பை தொட்டியில் உள்ள குப்பையை தானியங்கி வாயிலாக அள்ளும் வாகனம் உரிய பராமரிப்பு இல்லாததால், அதன் இரண்டு டயர்கள் பஞ்சராகி உள்ளன.

இதை பேரூராட்சி நிர்வாகம் துரிதமாக சரிசெய்ய நடவடிக்கை எடுக்கவில்லை. இதனால் இந்த வாகனம், கடந்த 5 நாட்களாக குப்பையுடன் சாலையில் நிறுத்தி வைக்கப்பட்டுள்ளதாக, குற்றச்சாட்டு எழுந்துள்ளது.

இதன் காரணமாக, குப்பை அள்ளும் பணி பாதிக்கப்படுகிறது. துாய்மைப் பணியாளர்களுக்கு பணிச்சுமையும் அதிகரிக்கிறது.

எனவே, உடனடியாக இந்த வாகனத்தை சரிசெய்ய, பேரூராட்சி நிர்வாகம் நடவடிக்கை எடுக்க வேண்டும் என கோரிக்கை எழுந்துள்ளது.