சென்னை, பட்டினம்பாக்கத்தை சேர்ந்தவர் தனசேகரன், 46. இவர், சென்னை மாநகராட்சி, அடையாறு அலுவலகத்தில் உதவியாளராக பணிபுரிந்தார்.

நேற்று முன்தினம் இரவு, தன் சொந்த ஊரான விழுப்புரம் மாவட்டம், புலியனுார் கிராமத்திற்கு, 'ஸ்பிலண்டர்' பைக்கில், செய்யூர் - வந்தவாசி சாலையில் சென்றார்.

அப்போது, சோத்துப்பாக்கம் பகுதியில் நேற்று முன்தினம் இரவு 10:30 மணியளவில், எதிரே வந்த 'அசோக் லேலண்ட்' லாரியின் டயரில் பைக் மோதி விபத்துக்குள்ளானது.

இதில் பலத்த காயம் ஏற்பட்டு, ஆம்புலன்சில் மருத்துவமனைக்குச் செல்லும் வழியில் உயிரிழந்தார்.

மேல்மருவத்துார் போலீசார், தனசேகரன் உடலை மதுராந்தகம் அரசு மருத்துவமனைக்கு அனுப்பி வைத்து, விபத்து குறித்து விசாரிக்கின்றனர்.