இதில் ஒரு புறம் சாலை பணிகள் நிறைவடைந்த நிலையில் சாலை நடுவே குடிநீர் குழாய்களுக்காக 4 அடி ஆழத்தில் பள்ளம் தோண்டப்பட்டு உள்ளது. இந்த பள்ளத்தை சுற்றி எச்சரிக்கை பலகை மற்றும் இரவில் ஒளிரும் பட்டைகள் இல்லாதாதல் புதிதாக வரும் வாகன ஓட்டிகள் விபத்தில் சிக்கும் அபாயம் ஏற்பட்டு உள்ளது.

இது குறித்து வாகன ஓட்டிகள் கூறியதாவது:

திருவடிசூலம் மற்றும் சுற்றியுள்ள கிராம மக்கள் மகேந்திரா சிட்டி பகுதியில் உள்ள தொழிற்சாலைகளுக்கு வேலைக்கு செல்ல இருசக்கர வாகனங்களில் சென்று வர இந்த சாலையை பயன்படுத்தி வருகின்றனர்.

சாலை நடுவே பள்ளம் தோண்டப்பட்டு பல நாட்களாக மூடப்படாமல் உள்ளது. எச்சரிக்கை பலகையும் இல்லாதால் விபத்து அபாயம் உள்ளது. அசம்பாவிதம் ஏதும் ஏற்படும் முன் இந்த பகுதியில் எச்சரிக்கை பலகை அமைக்க வேண்டும். பணியை விரைந்து முடிக்க அதிகாரிகள் நடவடிக்கை எடுக்க வேண்டும். இவ்வாறு அவர்கள் கூறினர்.