வண்டலுார் அடுத்த கிளாம்பாக்கம் பேருந்து முனையத்தின் வெளிப் பகுதியில், ஜி.எஸ்.டி., சாலையில், ஆபத்தான வகையில் 'மேன்ஹோல்' உள்ளது.

இங்கு சாலை சேதமாகி, இரும்பினாலான 'மேன்ஹோல்' முழுதும் பெயர்ந்து நிற்கிறது.

பேருந்து முனையம் உள்ளே செல்லும் பேருந்துகள் மற்றும் இதர வாகனங்கள், இந்த 'மேன்ஹோல்' மீது ஏறி இறங்கும் போது, வாகனங்களின் டயர்கள் சேதமாகின்றன.

இருசக்கர வாகன ஓட்டிகள் நிலை தடுமாறி, கீழே விழுந்து காயமடைகின்றனர்.

பெரிய அசம்பாவிதம் நடக்கும் முன், சம்பந்தப்பட்ட துறையினர் கவனம் செலுத்தி, 'மேன்ஹோல்' மற்றும் சேதமாகியுள்ள சாலையை செப்பனிட நடவடிக்கை எடுக்க வேண்டும் என, வாகன ஓட்டிகள் வேண்டுகோள் விடுத்துள்ளனர்.