இந்த ஏரியின் வாயிலாக, 400 ஏக்கர் வயல்வெளி நீர்ப்பாசனம் பெறுகிறது. இப்பகுதி மக்களின் பிரதான தொழில் விவசாயம்.

ஏரி, குளம், கிணறு பாசனம் போன்றவற்றின் வாயிலாக நெல், மணிலா, தர்பூசணி போன்றவை பருவத்திற்கு ஏற்றது போல பயிரிடப்படுகின்றன.

இந்நிலையில், கோடை காலத்தில் நிலத்தடி நீர்மட்டம் குறைந்து, போதிய தண்ணீர் இல்லாமல் விவசாயம் பாதிக்கப்படுவதாக, விவசாயிகள் குற்றம்சாட்டுகின்றனர். எனவே, துறை சார்ந்த அதிகாரிகள் ஆய்வு செய்து, ஏரி உபரிநீர் கால்வாயில் தடுப்பணைகள் அமைத்து, நிலத்தடி நீர்மட்டத்தை உயர்த்த நடவடிக்கை எடுக்க வேண்டும் என, விவசாயிகள் வேண்டுகோள் விடுத்துள்ளனர்.