ஹிந்து சமய அறநிலையதுறையின் கீழ் உள்ள கோவில்களில், அறநிலையத்துறை சார்பில், 60,000 ரூபாய் செலவில் திருமணம் நடத்தும் திட்டம் நடைமுறையில் உள்ளது.

அதன்படி, திருமலை வையாவூர் பிரசன்ன வெங்கடேச பெருமாள் கோவிலில் இரு ஜோடிகளுக்கு, கோவில் வளாகத்தில், நேற்று காலை 9:00 மணியளவில், வேத மந்திரங்கள் முழங்க இலவச திருமணம் நடந்தது.

இத்திட்டத்தில், 60,000 ரூபாய் மதிப்பில் மணமக்களுக்கு 4 கிராம் தங்க திருமாங்கல்யம் வழங்கப்பட்டது. மேலும் சீர்வரிசை பொருட்கள், பாத்திரங்கள், அறுசுவை விருந்து உள்ளிட்டவை வழங்கப்பட்டன.