இப்பகுதியில், ஐந்துக்கும் மேற்பட்ட இருளர் குடும்பத்தினர், குடிசை அமைத்து வசித்து வந்தனர். ஊராட்சி நிர்வாகத்தின் வாயிலாக, சிமென்ட் சாலை, மின்விளக்கு வசதி, குடிநீர் வசதிகள் செய்து தரப்பட்டன.

விவசாய கூலி வேலைக்காக உத்திரமேரூர், வந்தவாசி, மேல்மருவத்துார், சோத்துப்பாக்கம், மதுராந்தகம் உள்ளிட்ட பகுதிகளுக்கு, கூலி வேலைக்கு செல்கின்றனர்.

தொடர்ந்து, அப்பகுதியிலேயே தங்கி, கூலி வேலை செய்து வருகின்றனர். கீழ்அத்திவாக்கம் பகுதியில் நிரந்தரமாக கான்கிரீட் வீடுகள் இல்லாததால், வேலைக்கு செல்லும் பகுதியிலேயே கூடாரம் அமைத்து வசிக்கின்றனர்.

எனவே, இருளர் மக்களுக்கு கான்கிரீட் வீடுகள் கட்டித் தரவும், மகளிர் குழுவின் வாயிலாக, பொருளாதார வசதி ஏற்படுத்தி, அவர்களின் முன்னேற்றத்திற்கு அரசு உரிய நடவடிக்கை எடுக்க வேண்டும் என, சமூக ஆர்வலர்கள் கோரிக்கை விடுத்துள்ளனர்.