அச்சிறுபாக்கம் ஒன்றியத்திற்கு உட்பட்ட களத்துார் ஊராட்சியில், 200க்கும் மேற்பட்ட குடும்பத்தினர் வசித்து வருகின்றனர்.

களத்துாரில் இருந்து ஜெ.ஜெ.,நகர் பகுதிக்குச் செல்லும் சாலையோரம், மகளிர் பயன்பாட்டிற்காக, கடந்த சில ஆண்டுகளுக்கு முன், 6 லட்சம் ரூபாய் மதிப்பில், கழிப்பறை வளாகம் கட்டப்பட்டது.

நாளடைவில் இந்த கழிப்பறை வளாகம் பழுதடைந்ததால், 15வது மாநில நிதிக்குழு திட்டம் 2021 -- 22ன் கீழ், 1.82 லட்சம் ரூபாய் மதிப்பீட்டில் புதுப்பிக்கப்பட்டது.

பணிகள் முடிந்து இரண்டு ஆண்டுகளாகியும், மகளிர் பயன்பாட்டிற்கு திறக்கப்படாமல், பூட்டி வைக்கப்பட்டிருந்தது.

இந்த கழிப்பறை வளாகத்தை மகளிர் பயன்பாட்டிற்கு திறக்க வேண்டுமென, நம் நாளிதழில் செய்தி வெளியானது.

இதையடுத்து, கழிப்பறை வளாகம் பயன்பாட்டிற்கு திறக்கப்பட்டு உள்ளது.