கடந்த நவ., 30ல் ஏற்பட்ட சண்டையில், பாபு மற்றும் அவரது குடும்பத்தினரை, எதிர்தரப்பு தாக்கியதாக கூறப்படுகிறது. பல்லாவரம் போலீசில் பாபு புகார் அளித்தும் நடவடிக்கை எடுக்கவில்லை என கூறப்படுகிறது.

விரக்தியடைந்த பாபு, செங்கல்பட்டு கலெக்டர் அலுவலக வளாகத்திற்கு நேற்று காலை வந்து, தன் உடலில் பெட்ரோல் ஊற்றி தீ வைத்துக் கொண்டார்.

அங்கிருந்த ஊழியர்கள் அவரை மீட்டு, செங்கல்பட்டு அரசு மருத்துவமனையில் சேர்த்தனர். தகவலறிந்து வந்த கலெக்டர் அருண்ராஜ், பாபுவுக்கு அளிக்கப்படும் சிகிச்சை குறித்து மருத்துவர்களிடம் கேட்டறிந்தார்.