ஊராட்சிக்கு உட்பட்ட பஜார் பகுதியில் தேவராஜபுரம் வழியாக தண்ணீர்பந்தல் கிராமத்திற்கு செல்லும் சாலை உள்ளது. தினமும் நுாற்றுக்கணக்கான மக்கள், இந்த சாலையை பயன்படுத்துகின்றனர்.

தற்போது அமைக்கப்பட்டுள்ள தார் சாலை, 10 அடி அகலம் மட்டுமே உள்ளதால், கார், வேன், பேருந்து,லாரி ஆகியவை சென்றுவர கடினமாக உள்ளது.

பஜார் வீதியில் ஏராளமான கடைகள், வர்த்தக நிறுவனங்கள் அமைந்துள்ளன. கடை வீதிக்கு வரும் மக்கள் தங்களது இருசக்கர வாகனங்களை, சாலையில் தாறுமாறாக நிறுத்துவதாலும்,காலை மற்றும் மாலை நேரத்தில் போக்குவரத்து நெரிசல் ஏற்பட்டு வாகன ஓட்டிகள் அவதிக்குள்ளாகி வருகின்றனர்.

துறை சார்ந்த அதிகாரிகள் சாலையை ஆய்வு செய்து, சாலையோரத்தில் அமைக்கப்பட்டுள்ள ஆக்கிரமிப்புகளை அகற்றி, சாலையை விரிவாக்கம் செய்ய நடவடிக்கை எடுக்க வேண்டும் என, வாகன ஓட்டிகள் வலியுறுத்தி வருகின்றனர்.