சமீபத்தில், தொடர்ந்து மழை பெய்து வருகிறது. அதனால், உதவி கமிஷனர் அலுவலகம் முன் உள்ள சாலையில், மழை நீர் சீராக செல்ல வழியின்றி தேக்கமடைந்துள்ளது.

அதனால், இந்த சாலையை பயன்படுத்தும் அப்பகுதிவாசிகள், மிகுந்த சிரமத்துடன் செல்லும் நிலை உள்ளது.

இது குறித்து, அப்பகுதிவாசிகள் கூறியதாவது:

கமிஷனர் அலுவலகம் முன், மழை நீர் நீண்ட நாட்களாக தேங்கியுள்ளது. இதை சீரமைத்து தர வேண்டும் என, நகராட்சி நிர்வாகத்திற்கு புகார் தெரிவித்தும், இதுவரை எந்தவிதமான நடவடிக்கையும் எடுக்கப்படவில்லை.

உதவி கமிஷனர் அலுவலகம் அருகில் உள்ள சாலையை சீரமைத்து, மழை நீர் தேங்காதவாறு சீராக செல்ல, நகராட்சி நிர்வாகம் உரிய நடவடிக்கை எடுக்க வேண்டும்.

இவ்வாறு அவர்கள் கூறினர்.