சென்னையிலிருந்து புதுச்சேரி செல்லும் இ.சி.ஆர்., எனும் கிழக்கு கடற்கரை சாலையில் தினமும் ஆயிரக்கணக்கான வாகனங்கள் சென்று வருகின்றன. இச்சாலையை, நான்கு வழிச் சாலையாக மாற்ற 'டெண்டர்' விடப்பட்டு, விரிவாக்க பணிகள் நடந்து வருகின்றன.

இதனால், கடந்த மூன்று ஆண்டுகளாக பராமரிப்பின்றி, இச்சாலையில் பல்வேறு இடங்களில் பள்ளங்கள் ஏற்பட்டுள்ளன.

குறிப்பாக கடப்பாக்கம், எல்லையம்மன் கோவில், பனையூர் உள்ளிட்ட பகுதிகளில் அதிக விபத்துகள் ஏற்பட்டு வந்தன.

இதனால், இந்த சாலையில் உள்ள பள்ளங்களை சீரமைக்கும் பணிகள் துவங்கி உள்ளன.