வடகிழக்கு பருவமழை பெய்ததில், கேளம்பாக்கம் - வண்டலுார் சாலை, ராஜிவ்காந்தி சாலை உள்ளிட்ட பகுதிகளில் சாலை சீரழிந்தது.

இச்சாலைகளில் ஆங்காங்கே பள்ளங்கள் ஏற்பட்டதால், வாகன ஓட்டிகள், பொதுமக்கள் கடுமையாக பாதிக்கப்பட்டனர். அதன்பின், நெடுஞ்சாலைத்துறை அதிகாரிகள் ஆய்வு செய்ததில், 60 கி.மீ., சாலைகள் சீரழிந்ததுதெரியவந்தது.

இதைத் தொடர்ந்து, வண்டலுார் - கேளம் பாக்கம் சாலை, ராஜிவ்காந்தி சாலை உள்ளிட்ட பகுதிகளில், சாலையை சீரமைக்கும் பணியில், நெடுஞ்சாலைத்துறை அதிகாரிகள் ஈடுபட்டுள்ளனர்.

மேலும், பாலம் உள்ள பகுதிகளில், கால்வாய்களை துார் வாரி சீரமைக்கும் பணிகள் நடைபெற்று வருவதாக, நெடுஞ்சாலைத்துறை அதிகாரிகள் தெரிவித்தனர்.