தற்போது இந்த குளம், பராமரிப்பின்றி மோசமாக உள்ளது. குளக்கரை தனியாரால் ஆக்கிரமிக்கப்பட்டு உள்ளது.

இதுகுறித்து அப்பகுதி மக்கள் கூறியதாவது:

இந்த குளக்கரையில், இறந்தவர்களுக்கு காரியம் செய்யும் மண்டபம் உள்ளது. இந்த மண்டபத்தையும், அதன் அருகே உள்ள குளக்கரையையும், தனி நபர்கள் மாட்டுச்சாணம் வரட்டி தட்டி ஆக்கிரமித்து வைத்துள்ளனர்.

இதனால், இறந்தவர்களுக்கு காரியம் செய்வதில் சிரமம் ஏற்படுகிறது.

இந்த குளத்தைச் சுற்றி அண்ணா நகர், காமாட்சி நகர், சி.ஐ.டி., நகர், ராகவேந்திராபுரம், ஆதனஞ்சேரி ஆகிய பகுதிகள் உள்ளன.

இங்கு 3,000த்திற்கும் மேற்பட்டோர் வசிக்கிறோம். எங்கள் பகுதியில் பொழுதுபோக்கு அம்சம் இல்லை.

எனவே, இந்த குளத்தை துார் வாரி சீரமைத்து, குளக்கரையை சுற்றி நடைபாதை அமைத்தால், பொதுமக்கள் நடைபயிற்சி சென்று பயனடைவோம்.

இவ்வாறு அவர்கள் கூறினர்.