செங்கல்பட்டு மாவட்ட கலெக்டராக இருந்த ராகுல்நாத், சுற்றுச்சூழல் மற்றும் காலநிலை மாற்றத்துறை இயக்குனராக மாற்றம் செய்யப்பட்டார்.

இதைத் தொடர்ந்து, தமிழ்நாடு மின்னணுவியல் கழக நிர்வாக இயக்குனராக இருந்த அருண்ராஜ், செங்கல்பட்டு மாவட்ட கலெக்டராக பணியிட மாற்றம் செய்யப்பட்டார்.

அதன்பின், செங்கல்பட்டு புதிய கலெக்டர் அலுவலகத்தில், கலெக்டர் கூட்ட அரங்கில், அருண்ராஜ் நேற்று பொறுப்பேற்றுக்கொண்டார். அவருக்கு, அனைத்து துறை அதிகாரிகள் வாழ்த்து தெரிவித்தனர்.