இந்த சாலையின் இருபுறமும் கழிவுநீர் செல்ல வழி இல்லாததால், சாலையில் பல இடங்களில் கழிவுநீர் தேங்கி உள்ளது. மேலும், சுற்றியுள்ள குடியிருப்புகளில் இருந்து வெளியேறும் கழிவுநீர், சாலை நடுவே தேங்குவதால் துர்நாற்றம் வீசுகிறது.

இது குறித்து அப்பகுதிவாசிகள் கூறியதாவது:

இந்த பகுதியில் மழைநீர் செல்லும் கால்வாயை பலர் ஆக்கிரமிப்பு செய்து, மாட்டுச்சாணம் கொட்டி தண்ணீர் வெளியேற முடியாதபடி செய்து உள்ளனர்.

மேலும், வீடுகளில் இருந்து வெளியேறும் கழிவு நீர் செல்ல வழி இல்லை.

இந்த சாலையை சீரமைக்க, நடவடிக்கை எடுக்கப்படவில்லை.

காட்டாங்கொளத்துார் வட்டார வளர்ச்சி அலுவலகத்திலும், செங்கல்பட்டு மாவட்ட கலெக்டர் அலுவலகம், நெடுஞ்சாலை துறை அலுவலகங்களில் கோரிக்கை மனு அளித்தும், இதுவரை நடவடிக்கை எடுக்கப்படவில்லை.

இந்த பிரச்னைகளுக்கு தீர்வு காணாவிட்டால், சுற்றியுள்ள கிராம மக்களை திரட்டி, அனுமந்தபுரம் -- சிங்கபெருமாள் கோவில் சாலையில் போராட்டம் நடத்த உள்ளோம்.

இவ்வாறு அவர்கள் கூறினர்.