சில மாதங்களாக, நுாரியிடம் பணம் கேட்டு ஷேக் தாவூத் சண்டையிட்டு வந்துள்ளார். இந்நிலையில், கடந்த 14ம் தேதி, நுாரி வீட்டில் தனியாக இருந்த போது வந்த ஷேக் தாவூத், பணம் கேட்டு தொந்தரவு செய்துள்ளார்.

நுாரி பணம் கொடுக்க மறுக்கவே, ஷேக் தாவூத் தான் வைத்திருந்த பிளேடால், தோள்பட்டை, காது உள்ளிட்ட இடங்களில் கிழித்துள்ளார். நுாரி கூச்சலிடவே, ஷேக் தாவூத் தப்பிச் சென்றார்.

அக்கம் பக்கத்தினர் நுாரியை மீட்டு, செங்கல்பட்டு அரசு மருத்துவமனையில் சிகிச்சை அளித்தனர். சிகிச்சைக்கு பின், நுாரி அளித்த புகாரின்படி, செங்கல்பட்டு நகர போலீசார் வழக்குப்பதிவு செய்து, ஷேக் தாவூதை நேற்று கைது செய்து நீதிமன்றத்தில் ஆஜர்படுத்தினர்.