இதில், ஆடவர் வாலிபாலில் லயோலா, ஐ.ஐ.டி., - பனிமலர், ஜமால் கல்லுாரி உள்ளிட்ட எட்டு அணிகளும், பெண்களில் ஐந்து அணிகளும் பங்கேற்றுள்ளன.

அதேபோல், கூடைப்பந்து போட்டியிலும் ஆடவரில் எட்டு அணிகளும், பெண்களில் ஐந்து அணிகளும் பங்கேற்றுள்ளன. ஆடவரில், 'லீக்' மற்றும் 'நாக் - அவுட்' முறையிலும், பெண்களில் 'லீக்' முறையிலும் போட்டிகள் நடக்கின்றன.

கூடைப்பந்தில் அனைத்து சுற்றுகள் முடிவில், இறுதிப் போட்டியில் ஆடவரில் எம்.சி.சி., - எஸ்.ஆர்.எம்., அணிகள் மோதின.

இதில், 72 - 58 என்ற கணக்கில் எம்.சி.சி., அணி வெற்றி பெற்று, முதலிடத்தைப் பிடித்தது. ஜே.ஐ.டி., - ஜமால் அகிய அணிகள் அடுத்தடுத்த இடங்களை வென்றன.

பெண்களில், இந்துஸ்தான் மற்றும் எம்.ஓ.பி., வைஷ்ணவ் கல்லுாரிகளுக்கு இடையிலான ஆட்டத்தில், 86 - 85 என்ற கணக்கில், இந்துஸ்தான் அணி வெற்றி பெற்றது.

வேல்ஸ் மற்றும் ஜே.ஐ.டி., அணிகள் மூன்று மற்றும் நான்காம் இடங்களை வென்றன.

வெற்றி பெற்ற அணிகளுக்கு, ஐ.ஐ.டி., இயக்குனர் காமகோடி பரிசுகளை வழங்கினார்.