நேற்று முன்தினம் இரவு, பூஜை முடிந்து 7 மணிக்கு, கோவில் அர்ச்சகர் சந்திரசேகரன், கோவிலை பூட்டிச் சென்றுள்ளார்.

இந்நிலையில், நேற்று காலை 8:30 மணிக்கு, வழக்கம்போல கோவிலை திறக்கச் சென்றபோது, கோவில் வெளிப்புற கேட் உடைக்கப்பட்டு இருப்பதை கண்டு அதிர்ச்சியடைந்து, உள்ளே சென்று பார்த்துள்ளார்.

கருவறை பூட்டும் உடைக்கப்பட்டு, சுவாமிக்கு அணிவிக்கப்பட்டு இருந்த, 250 கிராம் வெள்ளி நெற்றிப்பட்டை, 100 கிராம் வெள்ளி சங்கு கவசம், 6 கிராம் தங்க நகைகள் திருடு போய் இருப்பதைக் கண்டு அதிர்ச்சியடைந்தார்.

அதன் பின், சூணாம்பேடு போலீசாருக்கு தகவல் அளித்துள்ளார். சம்பவ இடத்திற்கு சென்ற போலீசார், வழக்குப்பதிந்து, கோவில் பூட்டை உடைத்து கைவரிசை காட்டிய மர்ம நபர்களைத் தேடி வருகின்றனர்.