திருப்போரூர் - காட்டூர் சாலையைச் சுற்றி, பல கிராமங்கள் உள்ளன. இச்சாலை வழியாக அம்மாபேட்டை மருத்துவமனை, கூடுவாஞ்சேரி, மறைமலை நகர் உள்ளிட்ட பல்வேறு பகுதிகளுக்கும், தேவைகளுக்கும் மக்கள் செல்கின்றனர். தண்ணீர் லாரிகள் உட்பட ஏராளமான வாகனங்களும் இச்சாலையில் செல்கின்றன.

இந்த சாலையில் கண்ணகப்பட்டில் டாஸ்மாக் கடை இருப்பதால், சுற்றுவட்டரா கிராமத்தினர் இங்கு வருகின்றனர்.

இச்சாலையில் மின் விளக்குகள் எரியாததால், இருள் சூழ்ந்து காணப்படுகிறது. அவ்வப்போது சாலையோரம் வாகனங்கள் நிறுத்தப்படும் போது, பின்தொடர்ந்து வரும் வாகனம் மோதும் நிலை ஏற்படுகிறது.

எனவே, இச்சாலையில் உள்ள மின் விளக்குகளை சீரமைக்க அதிகாரிகள் நடவடிக்கை எடுக்க வேண்டும் என, பகுதி மக்கள் கோரிக்கை விடுத்துள்ளனர்.