தாம்பரம் காவல் துறை செய்திக்குறிப்பு:

 வேளச்சேரி பிரதான சாலையில், சந்தோஷபுரம் பகுதியிலிருந்து, செம்மொழி சாலை மற்றும் மாம்பாக்கம் செல்லும் வாகனங்கள், மேடவாக்கம் புதிய மேம்பாலம் வழியாக திரும்பி, ஜெயச்சந்திரன் டெக்ஸ்டைல்ஸ் சந்திப்பில் 'யு - டர்ன்' எடுத்து, மேடவாக்கம் மேம்பால அணுகு சாலை வழியாக இடதுபுறம் திரும்பி, செம்மொழி சாலையில் வலதுபுறம் திரும்பி, மாம்பாக்கம் செல்லலாம்

 ஓ.எம்.ஆர்., சாலையில், சோழிங்கநல்லுார் சந்திப்பில் இருந்து, தாம்பரம் - பள்ளிக்கரணை நோக்கி செல்லும் மாநகர பேருந்துகள், துரைப்பாக்கம் வழியாக இடதுபுறம் திரும்பி, 200 அடி ரேடியல் சாலை வழியாக காமாட்சி மருத்துவமனை சந்திப்பில் இடதுபுறம் திரும்பி, பள்ளிக்கரணை - தாம்பரம் சாலையில் செல்லலாம்

 மாம்பாக்கம் - மேடவாக்கம் பிரதான சாலையில், மாம்பாக்கத்தில் இருந்து தாம்பரம் - பள்ளிக்கரணை நோக்கி செல்லும் வாகனங்கள், மேடவாக்கம் பாபு நகர் மூன்றாவது தெரு வழியாக வலது புறம் திரும்பி, நீலா நகர், விமலா நகர், நீல்கிரிஸ் கடை வழியாக இடது புறம் திரும்பி, வேளச்சேரி சாலை வழியாக தாம்பரம் செல்ல வேண்டும்

 சித்தாலப்பாக்கத்தில் இருந்து, தாம்பரம் - பள்ளிக்கரணை நோக்கி செல்லும் மாநகர பேருந்துகள், வேங்கைவாசல் பிரதான சாலை, சந்தோஷபுரம், வேளச்சேரி சாலை வழியாக இடதுபுறம் திரும்பி தாம்பரம் செல்ல வேண்டும்

 தாம்பரம் மேம்பாலத்தில் இருந்து, வேளச்சேரி நோக்கி செல்லும் கனரக வாகனங்கள், ஜி.எஸ்.டி., சாலை, குரோம்பேட்டை, பல்லாவரம் மேம்பாலத்தில் வலதுபுறம் திரும்பி, 200 அடி சாலை வழியாக காமாட்சி மருத்துவமனை சந்திப்பில் இடது புறம் திரும்பி, வேளச்சேரி செல்ல வேண்டும்

 தாம்பரம் முதல் வேளச்சேரி சாலை, ஓ.எம்.ஆர்., - இ.சி.ஆர்., - ஜி.எஸ்.டி., சாலையில் இரும்புலியூர், ஜீரோ பாயின்ட் முதல் பல்லாவரம் வரையிலும், வண்டலுார் - கேளம்பாக்கம் சாலை வரையிலும் கனரக வாகனங்களுக்கு, காலை 9:00 மணி முதல் மாலை 6:00 மணி வரை அனுமதி இல்லை.

இவ்வாறு அதில் தெரிவிக்கப்பட்டு உள்ளது.