தொடக்க வேளாண்மை கூட்டுறவு வங்கியில், மத்திய, மாநில மற்றும் நபார்டு நிதி வாயிலாக விவசாயக் கடன், இடுபொருட்களான உரங்கள் வினியோகம், சிறு தவணை மற்றும் நடுத்தர தவணை கடன், நகை கடன், கால்நடை கடன் உள்ளிட்டவை வழங்கப்படுகின்றன.

தொடக்க வேளாண்மை கூட்டுறவு வங்கி வளாகத்தில் தானியக் கிடங்கு உள்ளது. இந்த வளாகத்தில் சுற்றுச்சுவர் அமைக்கப்படாததால், பாதுகாப்பற்ற சூழல் நிலவுகிறது.

மேலும், அருகே உள்ள வயல்வெளியில் இருந்து, விஷப்பூச்சிகள் நடமாட வாய்ப்பு உள்ளது.

ஆகையால், துறை சார்ந்த அதிகாரிகள் ஆய்வு செய்து, தொடக்க வேளாண்மை கூட்டுறவு வங்கி வளாகத்திற்கு சுற்றுச்சுவர் வசதி ஏற்படுத்த நடவடிக்கை எடுக்க வேண்டும் என, சமூக ஆர்வலர்கள் வேண்டுகோள் விடுத்துள்ளனர்.