அச்சிறுபாக்கத்தில் உள்ள ஆட்சீஸ்வரர் கோவில், ஹிந்து சமய அறநிலையத் துறையின் கீழ் செயல்பட்டு வருகிறது.

இக்கோவிலுக்கு சொந்தமான நிலம், சென்னை- -- திருச்சி தேசிய நெடுஞ்சாலையின், புறவழிச் சாலையில் உள்ளது.

அந்த காலி இடத்தில், ஞாயிறு தோறும் காய்கறி சந்தை நடக்கிறது.

அச்சிறுபாக்கம் சுற்றுவட்டார பகுதிகளைச் சேர்ந்த விவசாயிகள் தங்கள் விளைநிலங்களில் விளைந்த காய்கறிகள், கீரைகள், கிழங்கு வகைகள் மற்றும் பழங்கள் உள்ளிட்டவற்றை, இங்கு கொண்டு வந்து விற்பனை செய்கின்றனர்.

வெளியூர் பகுதி வியாபாரிகளும், இங்கு காய்கறிகளை கொண்டு வந்து விற்கின்றனர். இங்கு, நுாற்றுக்கும் மேற்பட்ட கடைகள் செயல்பட்டு வருகின்றன. சுற்றுவட்டார பகுதியைச் சேர்ந்த மக்கள் அச்சிறுபாக்கம் வார சந்தையில் காய்கறிகள் வாங்கி செல்வர்.

நேற்று பீர்க்கங்காய் - 70, பாகற்காய் - 50, வெண்டை -70, கோவக்காய் - 80, புடலை - 50, அவரை - 100, கத்திரிக்காய் - 80 ரூபாய்க்கும் விற்கப்பட்டது. இது வழக்கத்தை விட சற்று அதிகமாக காணப்பட்டது.