இதில், பல்வேறு மாவட்டங்களைச் இளம்பெண்கள் தங்கி ஒரகடம், மகேந்திரா சிட்டி பகுதிகளில் உள்ள தொழிற்சாலைகளில் பணிபுரிந்து வருகின்றனர்.

இப்பகுதியில், இரவு நேரங்களில் இருள் சூழ்ந்து காணப்படுவதால், பேருந்துகளுக்காக காத்திருக்கும் பெண்கள் ஒருவித அச்சத்துடனேயே காத்திருக்கும் நிலை ஏற்பட்டுள்ளது.

இதுகுறித்து அப்பகுதி பெண்கள் கூறியதாவது:

மகளிர் விடுதி முன் ஜி.எஸ்.டி., சாலையில் விளக்குகள் இல்லாததால், அதிகாலையில் வேலைக்கு செல்லும் பெண்கள் மற்றும் வேலை முடிந்து விட்டு வருவோர் அச்சத்துடன் வரும் நிலை உள்ளது.

விபத்து மற்றும் திருட்டு அபாயம் அதிகம் உள்ளதால், மாவட்ட நிர்வாகம் சார்பில் இந்த பகுதியில் உயர்கோபுர மின் விளக்குகள் அமைக்க நடவடிக்கை எடுக்க வேண்டும்.

இவ்வாறு அவர்கள் கூறினர்.