இதில், முன்னாள் ராணுவ வீரரை வாகனம் ஏற்றி கொல்ல முயன்று, அது முடியாமல் போக இரும்பு கம்பியால் அடித்து கொன்ற 'திடுக்கிடும்' தகவல் வெளியானது.

கொலை செய்யப்பட்டது, திருவாலங்காடு, முத்துக்கொண்டாபுரத்தைச் சேர்ந்த வெங்கடேசன், 47, என்பதும், கடந்த 3ம் தேதி விபத்தில் சிக்கி உயிரிழந்ததாக, திருவாலங்காடு போலீசார் வழக்கு பதிந்திருப்பதும் தெரிய வந்தது.

இதையடுத்து, ஐந்து பேரும் திருவாலங்காடு போலீசாரிடம் ஒப்படைக்கப்பட்டனர். போலீசார் கொலை வழக்காக மாற்றி, கைது செய்யப்பட்ட ஐந்து பேரையும், சிறையில் அடைத்தனர்.

பிரசாந்த் தவிர, மற்ற நான்கு பேரையும் நீதிமன்ற காவலில் எடுத்து தனித்தனியே விசாரணை மேற்கொண்டனர்.

இதில், வெங்கடேசனின் மனைவி சந்தியா, 31, அவரது சகோதரர் சண்முகம், கள்ளக்காதலனான அ.தி.மு.க., பிரமுகர் லோகேஷ், 37, ஆகியோர் சேர்ந்து, சதீஷின் உதவியுடன் வெங்கடேசனை கூலிப்படையை வைத்து கொலை செய்ததும் தெரிய வந்தது.

இதையடுத்து, எட்டு பேரையும் போலீசார் கைது செய்து சிறையில் அடைத்தனர்.